Kredit kalkulyator: oylik toʻlov va ustamani hisoblash

Kalkulyator

Stavka maydonida namuna uchun 24 foiz turadi — bu hech bir bankning taklifi emas, shunchaki boshlangʻich raqam. Oʻz hisobingizni olish uchun shartnomadagi yoki bank saytidagi stavkani kiriting; joriy shartlarni Markaziy bankning bankxizmatlari.uz portalida koʻrish mumkin.

Annuitet va differensial: qaysi biri arzon

Bir xil summa, muddat va stavkada differensial grafik arzonroq chiqadi, chunki asosiy qarz tezroq kamayadi va foiz kichikroq qoldiqqa hisoblanadi. Buning narxi — birinchi oylardagi katta toʻlov. Annuitet esa bir xil summa bilan oylik byudjetni rejalashtirishga qulay.

Quyidagi jadval — bitta shartning ikki grafikdagi hisobi: 450 mln soʻm, yillik 18 foiz, 240 oy. Raqamlar shu sahifadagi kalkulyator bilan hisoblangan, ularni oʻzingiz tekshirib koʻrishingiz mumkin.

Grafik turini odatda bank tanlaydi: isteʼmol kreditlari va nasiya koʻpincha annuitet, uzoq muddatli kreditlarda differensial ham uchraydi. Shartnomada grafik ilova boʻlib yuradi — imzolashdan oldin birinchi, oʻrta va oxirgi oy toʻlovini koʻrib qoʻying.

Nega boshida foiz katta

Annuitetda toʻlov ikki qismdan iborat: foiz va asosiy qarz. Foiz har oy qoldiq qarzga hisoblanadi, boshida qoldiq eng katta — demak foiz ham eng katta. 30 mln soʻm, 24 foiz, 24 oy misolida birinchi oyda 600 000 soʻm foizga, 986 133 soʻm asosiy qarzga ketadi; oxirgi oyda esa teskarisi. Shuning uchun kreditning yarmini toʻlab boʻlgandan keyin ham qarz yarmidan koʻp qolib turadi — bu xato emas, annuitetning tabiati.

Ustama va yillik effektiv stavka (GES)

Eʼlon qilingan yillik stavka — kreditning hammasi emas. Haqiqiy qimmatni yillik effektiv stavka koʻrsatadi: unda foizning har oy qayta hisoblanishi, bir martalik komissiya va sugʻurta ham bor. Kalkulyator GESni siz kiritgan maydonlar boʻyicha hisoblaydi.

Oylik toʻlov bir xil, lekin kredit besh foiz bandga qimmatlashdi: komissiya summadan darhol ushlab qolinadi, sugʻurta esa har yili toʻlanadi. Ikki taklifni solishtirayotganda stavkani emas, GES va jami toʻlovni qiyoslang.

Hisobga olinishi kerak boʻlgan qoʻshimchalar

• Bir martalik komissiya — summadan foiz sifatida ushlanadi; kalkulyatorda alohida maydon bor.
• Sugʻurta — avtokreditda avtomobil, ipotekada uy sugʻurtasi talab qilinishi mumkin; yillik toʻlovni maydonga kiriting.
• Baholash va notarial xarajatlar — garovli kreditlarda bir martalik, lekin sezilarli summa.
• Karta va hisob xizmatlari — oylik abonent toʻlovi boʻlsa, uni ham jami toʻlovga qoʻshib chamalang.

Avtokredit kalkulyatori

Avtokreditda hisob ikki raqamdan boshlanadi: avtomobil narxi va boshlangʻich toʻlov. Kalkulyatorda narxni «Summa yoki narx» maydoniga, oʻz pulingizni «Boshlangʻich toʻlov» maydoniga yozing — kredit summasi sifatida farqi olinadi. «Avtokredit» tugmasi namuna shartni qoʻyadi: 150 mln soʻm narx, 30 mln boshlangʻich, 60 oy.

Namuna hisob: 120 mln soʻm kredit (150 mln narx minus 30 mln boshlangʻich), yillik 26 foiz, 60 oy — oylik toʻlov 3 592 856 soʻm, jami foiz 95 571 379 soʻm. Yaʼni besh yilda avtomobil narxining yarmidan koʻpi ustama boʻlib qaytadi. Muddatni 36 oyga qisqartirsangiz, oylik toʻlov 4 834 874 soʻmga koʻtariladi, lekin ustama 54 055 481 soʻmga tushadi — bir harakatda 41 mln soʻmdan koʻp tejash.

Avtokreditda nimaga eʼtibor beriladi

• Garov — koʻpincha oʻsha avtomobilning oʻzi; toʻliq toʻlanmaguncha sotish taqiqlanadi.
• Sugʻurta — shartnomada yillik polis talab qilinishi mumkin: uni «Sugʻurta» maydoniga kiritib, GESni qayta koʻring.
• Qoʻshimcha xarajatlar — davlat roʻyxatidan oʻtkazish, raqam va bojxona toʻlovlari kredit summasiga kirmaydi. Chetdan olib kelinadigan avtomobil boʻlsa, bojxona toʻlovlarini alohida hisoblang.
• Jarimalar — avtomobil bilan birga YHQ jarimalari ham keladi: ularni jarimalarni tekshirish sahifasida koʻrish mumkin.

Ipoteka kalkulyatori: uzoq muddat qanchaga tushadi

Ipotekada asosiy xususiyat — muddat. Yigirma yillik grafikda oylik toʻlov chidamli koʻrinadi, lekin ustama kredit summasidan ham katta boʻlib chiqadi. Shuni raqamda koʻrish uchun kalkulyatorda «Ipoteka» tugmasini bosing yoki oʻz shartingizni kiriting.

Oylik toʻlovdagi farq 1,16 mln soʻm, ustamadagi farq esa 693 mln soʻm. Shuning uchun ipotekada ikki savolni birga qaraydilar: oylik toʻlovni koʻtara olamanmi va muddatni keyinroq qisqartira olamanmi. Ikkinchi savolga muddatidan oldin toʻlash javob beradi.

Hisobdan tashqarida qoladigan xarajatlar: boshlangʻich toʻlov, uyni baholash, notarius va roʻyxatdan oʻtkazish, uy sugʻurtasi. Davlat dasturlari shartlari (oilaviy ipoteka, birinchi uy) alohida belgilanadi — ularni Markaziy bankning bankxizmatlari.uz portalida bank kesimida koʻrish mumkin.

Muddatidan oldin toʻlash: qancha tejaladi

Foiz qoldiq qarzga hisoblanadi, shuning uchun har qanday qoʻshimcha toʻlov keyingi barcha oylardagi foizni kamaytiradi. Kalkulyatordagi «Har oy qoʻshimcha» maydoni shuni koʻrsatadi: 450 mln soʻm, 18 foiz, 240 oy sharti bilan har oy 500 000 soʻm qoʻshsangiz, muddat 240 oydan 160 oyga tushadi va foiz 1 216 776 445 soʻmdan 735 863 218 soʻmga kamayadi — 480 mln soʻmdan koʻp tejash.

Shartnomada tekshiriladigan uch band

• Komissiya — muddatidan oldin toʻlash uchun toʻlov belgilanganmi.
• Eng kam muddat — birinchi oylarda qoʻshimcha toʻlash taqiqlanganmi.
• Qoʻshimcha pul nimaga ketadi — asosiy qarzni kamaytirishgami yoki keyingi oy toʻlovi hisobiga yozilishigami. Faqat birinchi holatda tejash boʻladi, shuning uchun bankka arizani «asosiy qarzni kamaytirish» deb yozib bering va yangi grafikni soʻrab oling.

Beshta tipik xato

Qarzdorlik yigʻilib qolgan boʻlsa, uni ijro byurosi bazasida tekshirib koʻrish mumkin: ochiq ijro ishi borligini bilmasdan yangi kredit soʻrash odatda rad javob bilan tugaydi.

Кредитный калькулятор по-русски

Калькулятор выше считает и на русские вопросы тоже: введите сумму, срок в месяцах и ставку из договора — получите платёж, переплату, график и эффективную ставку. Поля «первоначальный взнос», «разовая комиссия», «страховка в год» и «доплата каждый месяц» необязательные, но именно они показывают реальную цену кредита.

Чем отличаются аннуитет и дифференцированный график

Аннуитет — одинаковый платёж каждый месяц; в начале почти всё уходит на проценты, долг убывает медленно. Дифференцированный — тело долга делится на равные части, проценты начисляются на остаток: первые месяцы дороже, зато переплата меньше. На примере 450 млн сум под 18 % на 240 месяцев: аннуитет — 6 944 902 сум в месяц и 1 216 776 445 сум процентов, дифференцированный — 8 625 000 сум в первый месяц, 1 903 125 в последний и 813 375 000 сум процентов.

Эффективная ставка (ГЭС)

Объявленная ставка не включает комиссии и страховку, а проценты пересчитываются каждый месяц. Поэтому 24 % годовых — это 26,8 % эффективных, а с разовой комиссией 2 % и страховкой 300 000 сум в год та же сделка стоит 31,7 %. Сравнивайте предложения по эффективной ставке и по общей сумме выплат, а не по цифре из рекламы.

Досрочное погашение

Проценты считаются на остаток долга, поэтому любая доплата уменьшает их на все будущие месяцы. В примере с ипотекой доплата 500 000 сум в месяц сокращает срок с 240 до 160 месяцев и экономит больше 480 млн сум процентов. В заявлении банку пишите «в счёт уменьшения основного долга» и забирайте новый график.

Основная ставка Центрального банка — 14 % годовых (решения правления от 29 июля и 16 сентября 2026 года). Ставки банков выше неё и меняются; актуальные условия по 30+ банкам ЦБ публикует на портале bankxizmatlari.uz. Мы не банк и не посредник: заявки не принимаем, деньги не выдаём, расчёт идёт в вашем браузере.

Ko'p beriladigan savollar