Jizzaxda "Rahbar va sardorlar” uchrashuvi tashkil etildi

Bugun, 29-fevral kuni Jizzax viloyati Zomin tumanidagi 60-umumiy o’rta ta’lim maktabida viloyat, tuman (shahar) hamda Zomin tumanidagi umumta’lim maktablari sardorlari ishtirokida “Rahbar va sardorlar” uchrashuvi tashkil etildi.

Dastlab mehmonlarga 60-umumiy o’rta ta’lim maktabi faoliyati tanishtirilib, maktabda o‘quvchi-yoshlar uchun yaratilgan sharoit va imkoniyatlar ko’zdan kechirildi. Shundan so’ng, rahbarlar ishtirokida “Rahbar va sardorlar” uchrashuvi ochiq davra suhbati bo’lib o’tdi.

Ochiq muloqot tarzida o‘tgan uchrashuvda, o‘quvchi-yoshlar o‘zlarini qiziqtirgan muhim savollariga javob olishda va ta'lim uchun kerakli takliflarini bildirishdi.